എന്റെ ഹൃദയം ചങ്ങലകളാല്
ബന്ധിക്കപ്പെട്ടിരിക്കുന്നു.
അവ സ്നേഹത്തിന്റേതാണ്,
എന്നാല് ഭയത്തിന്റേയും.
ഇവിടെ എന്നെക്കുറിച്ചുള്ള
ഭയം സ്നേഹമാവുന്നു.
ആ ഭയം ആരില് കാണുന്നുവോ
അവരെ ഞാന് ഭയക്കുന്നു.
എന്തെന്നാല് എന്നെ വേദനിപ്പിച്ചിട്ടുള്ളത്
ആ ഭയങ്ങളായിരുന്നു.
അവരെക്കുറിച്ച്
ഞാനും ഭയക്കേണ്ടി വരുന്നു...!
ഭയക്കാത്തിടത്തോളം
കഠിനഹൃദയനെന്നും,
സ്നേഹമില്ലാത്തവനെന്നും വിളിക്കുന്നു.
ഇനി കൂടുതല് ഭയന്നാല്
അമിതഭയം അരോചകമെന്നും...!
എന്തെന്നാല് ഇവിടെ
ഭയം സ്നേഹമാകുന്നു.
അമിതസ്നേഹം താങ്ങാന്
അവളുടെ ഹൃദയത്തിന് ആവതില്ലത്രേ...!
- രാകേഷ് രാഘവന്
